Home

Månedens dikt

Nei, tapper?

Av Halldis Moren Vesaas (1907-1995)

Venner seier til meg:
«Du er tapper som kan vise slik styrke og ro
no når han så nyleg er død.»
– Nei, tapper? Det kan berast, det eg gjennomlever no.

Det tyngste er tilbakelagt.
Det tyngste var å sjå korleis han
tok til å miste seg sjølv og gli vekk
inn i eit veglaust og skoddefylt land.

Visst er tomrommet der, og kulden,
og avmaktskjensla framfor stengd port.
Men det kan berast så sant ein kan tru
at for den ein har mist var det godt å gå bort.